гумрукии байни Федератсияи Россия ва Ҷумҳурии Беларусь" имзо шуд.

Ҳукумати Федератсияи Россия ва Ҳукумати Ҷумҳурии Беларусь,

ба инкишофи минбаъдаи муносибатҳои иқтисодии мутавозин ва муфиди тарафайн кӯшида,

бо хоҳиши таъмини инкишофи минбаъдаи ҳуқуқу озодиҳои инсон ва шаҳрванди кишварҳо дар асоси принсипҳои демократӣ, ки дар ҳуҷҷатҳои Созмони Милали Муттаҳид сабт гардидаанд;

бо эътирофи меъёрҳои қабулшудаи байналхалқӣ дар муносибатҳои иқтисодӣ ва ба асос гирифтани қоидаҳои ТУС/ВТО;

ҷонибдории хешро нисбати инкишофи озодонаи ҳамкории мутақобилаи иқтисодӣ тасдиқ намуда;

бо нияти идома бахшидани татбиқи муқаррароти Шартнома дар бораи бунёди Иттиҳоди иқтисодӣ бо роҳи гузариш ба ташаккули марҳила ба марҳилаи Иттиҳоди гумрукӣ;

моддаи 4 Шартнома дар бораи бунёди Иттиҳоди иқтисодиро, ки барои ҳар шакли ҳамгироӣ таҳияи маҷмӯи чорабиниҳои ба ҳам алоқаманди мутобиқи созишномаҳои алоҳида татбиқшавандаро пешбинӣ менамояд, дастури амали хеш қарор дода;

дар хусуси ба даст омадани натиҷаҳои муайян дар татбиқи Созишномаи байни Ҳукумати Федератсияи Россия ва Ҳукумати Ҷумҳурии Беларусь дар бораи тартиби ягонаи танзими фаъолияти иқтисодии хориҷӣ, ки 12 апрели соли 1994 дар Москва ба имзо расидааст, таъкид намуда,

бо мақсади муайян намудани ҳуқуқу ӯҳдадориҳои тарафҳои аҳдкунанда дар ташаккули марҳила ба марҳилаи Иттиҳоди гумрукӣ,

дар хусуси эълом доштани мақсадҳои зерини бунёди Иттиҳоди гумрукӣ ба мувофиқа расиданд:

• бо амалҳои муштарак таъмин намудани пешрафти иҷтимоию иқтисодии кишварҳои худ бо роҳи бартараф сохтани монеаҳои миёни онҳо ҷойдошта барои ҳамкории озоди иқтисодии байни субъектҳои хоҷагидорӣ;