Охирҳои асри XX баъд аз пошхӯрии Иттиҳоди Шӯравӣ ба гурӯҳҳо тақсим намудани давлатҳои ҷаҳон якбора ранги дигар гирифт.

Мувофиқи хусусиятҳои хоси давлатҳои ҷаҳон аз 1 январи соли 2001 ба гурӯҳи давлатҳои тараққикардаи ҷаҳон 42 давлат дохил мешаванд, аз ҷумла:

• давлатҳои "Ҳафтгонаи бузург" (ШМА, Япония, Германия, Британияи Кабир, Франция, Канада, Италия);

• давлатҳои Европаи Ғарбӣ - Дания, Нидерландия, Белгия, Люксембург, Германия, Чехия, Словакия, Венгрия, Австрия, Швейцария, Югославия, Албания, Юнон, Булгория, Ирландия, Испания, Италия, Португалия, Исландия, Лихтенштейн, Норвегия, Финляндия, Шветсия, Англия;

• давлатҳои Америкаи Шимолӣ (ШМА, Канада);

• давлатҳои Осиё - Сингапур, Гонконг, Таиланд;

• давлатҳои минтақаи Араб - Арабистони Саудӣ, Исроил, Кувейт, Аморати Муттаҳидаи Араб;

• давлатҳои Австралия ва Океания - Зеландияи Нав, Австралия.

Бо мурури замон давлатҳои номбурда пешрафти иқтисодии худро тадриҷан дар тӯли асрҳои XIX ва XX таъмин намуда, имрӯзҳо равиши самти лозимаи иқтисодиётров дар тамоми қитъаи ҷаҳон муайян менамоянд.

Албатта, бояд қайд кард, ки таъсири ин ё он давлати алоҳида, вобаста ба дараҷаи пешрафти техникӣ, иқтидори ҳарбӣ ва сармояи молиявиаш ба равиши иқтисодиёти ҷаҳон гуногун аст.