АЛБАТТА МАН ГАП МЕЗАНАМ

Дар пеши девори баланд,
Биншаста дидам Лоларо.
Хоке аз он девор канд,
Зуд дар даҳонаш кард ҷо.

Хоидаву бурдаш фурӯ,
Монанди ҳалво дар шикам.
Маҳбуба омад пешакаш,
Гуфто: – Магар хӯрдӣ ту хок?

Гап мезанам бар модарат,
Ояд кашад гӯши туро.
Шояд барори аз сарат,
Ингуна касби нораво.

Лола бигуфто: – Гап назан,
Пешам биё, қандат диҳам.
– Даркор не қандат ба ман,
Албатта ман гап мезанам.