Омили муҳими болоравии даромоднокӣ дар шароити имрӯза фаъолияти корхонаҳо оид ба сарфаҷӯии захираҳост, ки боиси коҳишёбии арзиши аслӣ ва яъне, афзоиши фоида мегардад. Рушди истеҳсолот аз ҳисоби сарфаҷӯии захираҳо дар ин марҳила нисбат ба кашшофию конҳои нав ва ҷалби захираҳои нав ба истеҳсолот хеле арзонтар меафтад.

Коҳиш додани арзиши аслӣ бояд шарти асосии афзоиши даромоднокӣ ва фонди истеҳсолот гардад.

Вазифаҳо барои корҳои мустақилона:

1. Тайёрӣ ба муҳокимаи шифоҳии саволҳо дар доираи мавзӯъ.
2. Ҷавоб ба саволҳои санҷишӣ.
3. Навиштани реферат дар мавзӯъҳо:

• «Мафҳум ва моҳияти фоида ва даромоднокӣ»;
• «Мазмун ва усулҳои таҳлили фоида».

4. Ҷавоб додан ба саволҳои тестӣ.
5. Тартиб додани луғат доир ба мавзӯъ.

Саволҳои санҷишӣ:

1. Ҷанбаҳои назариявии таҳлили фонди корхонаро шарҳ диҳед.
2. Моҳияти фоидаро шарҳ диҳед.
3. Тартиби ташаккули фоидаро тасниф намоед.
4. Мазмун ва усулҳои таҳлили фоидаро кушоед.
5. Намудҳои асосии фоидаро тасниф намоед.
6. Даромоднокӣ чист?

Тест

1. Фоида ифодаи пулии қисми асосии пасандозҳои пулие мебошад, ки корхонаи дорои ҳама гуна шакли моликият ба вуҷуд овардааст:
   А) гардиш; В) пул; С) сармоягузорӣ; D) молия; Е) фоида.

2. Натиҷаҳои молиявӣ аз фурӯши маҳсулот, кор ва хизматрасониҳо, аз фурӯшҳои дигар, даромаду хароҷот аз амалиёти ғайрифурӯшро дар бар мегирад:
   А) фонди андозбандишаванда; В) фонди умумӣ; С) фонди соф; D) фонди тавозунӣ; Е) фонди иловагӣ.