тағйирёбанда ҳосил мешавад. Баъд формулан ниҳоӣ барои ҳисоби нуқтаи мувозинат бароварда мешавад:
ХФ = Хд/ДМвох,

Дар ин ҷо: ДМвох — даромади маржиналӣ ба ҳар воҳиди маҳсулот.
Усули даромади маржиналӣ (фоидаи умумӣ) алтернативии усули математикӣ мебошад.
Ташкилот бояд маҳсулоташро фурӯшад, то тавассути даромади маржиналии бадастоварда хароҷоти доимиро ҷуброн кунаду фоида гирад. Вақте даромади маржиналии кофӣ барои пӯшонидани хароҷоти доимӣ ҳосил шуд, корхона ба нуқтаи мувозинат мерасад.
Формулан алтернативии ҳисоби мазкур чунин намуд дорад:

Ф = ДМ – Хд,

Азбаски дар нуқтаи мувозинат фоида нест, формула ба намуди зайл тағйир дода мешавад:

ДМвох * ҲФ = Хд,

Дар ин ҷо: ҲФ - ҳаҷми фурӯш.
ҲФ - ҳадди даромаднокӣ.
Формула барои ҳисоби ҳадди даромаднокӣ дар ин сурат чунин намуд хоҳад дошт:

ҲД = Хд/ДМвох,

Барои қабулкунии қарорҳои дурнамо ҳисобкунии таносуби даромади маржиналӣ ва маблағи фурӯш, яъне муайянкунии даромади маржиналӣ бо фоизҳои маблағи фурӯш, судманд аст. Барои ин ҳисоби зерин анҷом дода мешавад:
(ДМ/МФ)*100%,

Ҳамин тавр, маблағи аз фурӯши маҳсулот бадастомадаро ба нақша гирифта, ҳаҷми даромади маржиналии ояндаро муайян кардан мумкин аст.
Дар назар бояд дошт, ки формулау вобастагиҳои боло овардашуда танҳо барои баъзе муайянӣ васеъ дуруст меоянд.