ЗАҲРИ ФИРЕБ

Бовар бикун хаставу афсурдаам, баҳор,
Заҳри фиреби раҳгузаре хӯрдаам, баҳор.

Бишниданист гиряи зорам, ки мотамист,
Нодиданист зиндагии мурдаам, баҳор.

Бар сабзаҳои пур зи сурурат салом гӯй,
Ҳам бар кабӯтарон, ки дилозурдаам, баҳор.

Бар лолаву бунафшаву сербаргаат паём,
Ҳарчанд сард гаштаву пажмурдаам, баҳор.

Аз Робияи хастаи шоир шуниданист,
Инак, баҳор гашт, вале мурдаам баҳор...