СУРОҒИ ВАСЛ

Чашмони роҳпои маро гиря кӯр кард,
Кӯрӣ маро зи кӯчаи васли ту дур кард.

Ту сангу ман булӯру ҳадисе нагуфтанист,
Зулме, ки дасти санг ба ҷони булӯр кард.

Эй он ки навбаҳор нафас мекашад туро,
Мӯсо суроғи лолаи васлат ба Тӯр кард.

Гуфтам ба гӯр ишқи туро кушта мениҳам,
Ин ишқ зинда кушт марову ба гӯр кард.

Ширин бувад наволаи шеъри ту, Робиа,
Ҳарчанд чарх хони ҷониби ту шӯр кард.