Ҳай пираҳани ту нозанин аст

Ҳай пираҳани ту нозанин аст,
Гӯяд ба тани ту, нозанин аст.
Ҷон, дар тани нозанини ту ҷон,
Бисёр тани ту нозанин аст.
Шири тани дигарон чӣ ширест?
Ҳай шири тани ту нозанин аст!
Гул бину анори нозанине,
Боғу чамани ту нозанин аст.
Шириндаҳанон ҳазор дидем,
Ширин даҳани ту нозанин аст.
Оҳ, аз даҳани ту, нозанино,
Ширин сухани ту нозанин аст.
Ҳай хандаи нозанин зание,
Хушрӯ задани ту нозанин аст.
Бигзор, занам ҳазор бӯса,
Эй, бар даҳани ту, нозанин аст!

О, чашми сиёҳи нозанинат

О, чашми сиёҳи нозанинат,
Нозад ба нигоҳи нозанинат.
Нозад нигаҳат чи нозанине
Бо чашми сиёҳи нозанинат.
Куштӣ ҳамаро, ту куштие, вой,
Бо чашми сиёҳи нозанинат.
Куштӣ, ҳа, маро, ту куштие, вой,
Хушрӯ ба нигоҳи нозанинат.
Ҳай кушта сиёҳчашмаконро
Бо ним нигоҳи нозанинат.
Аз рашк ту куштие ҳамашро,
Эй, кушта гувоҳи нозанинат.
Хушрӯй ба рӯи чашм нозад
Абрӯи сиёҳи нозанинат.