ки он асоси таъйини нафақаҳои суғуртавиро ташкил медиҳад. Тибқи ин қонун, собиқаи суғуртавӣ — ин давраест, ки шаҳрванд ё корфармо бо тартиби муқаррар-гардида саҳмҳои суғуртавиро пардохт намудааст ва он дар низоми суғуртаи ҳатмии нафақавӣ ба назар гирифта шуда, барои таъйин ва пардохти нафақа ҳуқуқ медиҳад.

Бо Қонуни Ҷумҳурии Тоҷикистон «Дар бораи баҳисобгирии инфиродӣ дар низоми суғуртаи ҳатмии нафақавӣ» асосҳои ташкили баҳисобгирии инфиродии маълумотҳо оид ба шахсони дар низоми суғуртаи ҳатмии нафақавии Ҷумҳурии Тоҷикистон суғурташуда муқаррар гардида, корфармоён ӯҳдадоранд, ки дар муҳлатҳои муқарраршуда маълумотҳои заруриро барои баҳисобги-рии инфиродии кормандон ба мақомоти ваколатдори суғуртаи иҷтимоӣ пешниҳод намоянд. Дар мақомоти суғуртаи иҷтимоӣ маълумотҳои инфиродӣ оид ба шахсо-ни суғурташуда, ҷамъоварӣ, коркард ва нигоҳдорӣ меша-ванд. Ҳангоми муроҷиати шаҳрвандон барои таъйини нафақа собиқаи суғуртавии ӯ дар асоси маълумоти ҳисо-би шахсӣ муайян карда мешавад.

8.5. Тартиби тасдиқ ва ҳисоби собиқаи корӣ

Маъмулан, давомнокии собиқаи кории умумӣ, махсус ва бетанаффуси кор мувофиқи давомнокии воқеӣ ҳисоб карда мешавад, ба истиснои қоидаҳои махсуси ҳисоби со-биқаи умумии корӣ ва собиқа барои хизматҳои дарозму-ддат.

Тавре ки маълум аст, мутобиқи қонунгузории Ҷумҳурии Тоҷикистон, аз давомнокии собиқаи кории