ҳисоби имтиёз 20 сол ва зиёдаро ташкил кунад, новобаста аз муҳлати танаффус ба ҳисоб гирифта мешавад.

Қоидаҳои ҳисоб кардани собиқаи кории бетанаффуси кормандон ва хизматчиён ҳангоми таҳйини кӯмакпулиҳои суғуртаи иҷтимоии давлатӣ бо қарори Шӯрои Вазирони ИҶШС аз 13 апрели соли 1973 № 252 тасдиқ шудааст, ки санади мазкур мавриди истифода қарор дорад. Тибқи ин санад, ҳангоми пардохти кӯмакпулиҳои суғуртаи давлатии иҷтимоӣ ба кормандон ва хизматчиён, собиқаи кории бетанаффус бо давомнокии собиқаи корӣ дар корхона, муассиса, ташкилот додашуда, муайян карда мешавад. Собиқаи кории пешина ё фаъолияти дигар низ, ба собиқаи кории бетанаффус ба ҳисоб гирифта мешавад. Ҳангоми гузаштан аз як кор ба кори дигар, дар сурати аз як моҳ зиёд набудани танаффус дар кор, собиқаи кории бетанаффус нигоҳ дошта мешавад, агар дар дигар санадҳои меъёрии ҳуқуқӣ тартиби дигаре пешбинӣ нашуда бошад.

Мутобиқи қоидаҳои мазкур, ҳангоми қабул намудан ба кор пас аз ба охир расидани давраи корношоямии муваққатӣ, ки тибқи қонунгузорӣ боиси аз кор озод шудани корманд гардидааст, ҳамчунин ҳангоми ба кор қабул намудани маъюб, ки бинобар сабаби маъюбӣ аз дигар кор озод шудааст, собиқаи кории бетанаффус нигоҳ дошта мешавад, агар танаффус аз се моҳ зиёд набошад. Дар чунин ҳолатҳо мӯҳлати семоҳа аз рӯзи барқарор шудани қобилияти меҳнатӣ ҳисоб карда мешавад. Рӯзи муқаррар намудани маъюбӣ, мутаносибан рӯзи додани хулоса аз