саҳмҳои суғуртавӣ пардохт карда шудааст ва далели пардохт гардидани саҳмҳои суғуртавӣ тибқи ҳуҷҷатҳои молиявии дахлдор тасдиқ шудаанд, дохил карда мешаванд.

Дар чунин ҳолат, фаъолияти меҳнатӣ бо маълумотномаи муассисаҳои бойгонӣ ва қарордод ё шартномаҳои меҳнатӣ, ки бо тартиби муқарраргардида ба расмият дароварда шудаанд, тасдиқ карда шавад. Агар маълумоти зикршудаи шахси суғурташуда дар маркази минтақавии баҳисобгирии инфиродии дахлдор мавҷуд набошад, раёсати (шуъбаи) Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар шаҳр (ноҳия) вазифадор аст, ки онҳоро барои ворид намудан ба суратҳисоби инфиродии шахси суғурташуда ба маркази минтақавии баҳисобгирии инфиродии дахлдор пешниҳод намояд.

Ҳуҷҷатҳои тасдиқкунандаи пардохти саҳмҳои суғуртавӣ, маълумоти маркази минтақавии баҳисобгирии инфиродии минтақаи ҷойи фаъолияти шахси суғурташуда дар бораи ба суратҳисоби инфиродии шахси суғурташуда дохил шудани сармояи шартии нафақавӣ ба ҳисоб меравад, ки дар асоси дархости раёсати (шуъбаи) Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар шаҳр ё ноҳияе, ки шахси суғурташуда барои таъйини нафақа муроҷиат намудааст, пешниҳод карда мешавад.

Собиқаи меҳнатӣ ва суғуртавӣ то 1 январи соли 2013
дар асоси дафтарчаи меҳнатӣ муайян карда мешавад. Дар
ҳолати гум кардани дафтарчаи меҳнатӣ, собиқаи корӣ бо
дигар ҳуҷҷатҳои тасдиқкунандаи фаъолияти меҳнатӣ, ки