бо тартиби муқаррарнамудаи қонунгузории Ҷумҳурии Тоҷикистон ба расмият дароварда шудаанд, тасдиқ карда мешавад. Дар ин мавриди низ, далели пардохти саҳмҳои суғуртавӣ бояд аз ҷониби маркази минтақавии баҳисобгирии инфиродии минтақаи ҷойи фаъолияти шахси суғурташуда тасдиқ карда шавад.

Собиқаи суғуртавӣ пас аз 1 январи соли 2013 дар асоси маълумоти маркази минтақавии баҳисобгирии инфиродӣ дар бораи тасдиқи пардохти саҳмҳои суғуртавӣ дар низоми суғуртаи ҳатмии нафақавӣ муайян карда мешавад.

Ба собиқаи суғуртавӣ ҳангоми таъйин намудани нафақаҳои суғуртавӣ, дар баробари давраи корӣ ё фаъолияте, ки дар тӯли он мувофиқи тартиби муқарраргардидаи қонунгузории Ҷумҳурии Тоҷикистон саҳмҳои суғуртавӣ пардохт шудаанд, инчунин давраҳои зерини фаъолият, ки дар давоми онҳо саҳмҳои суғуртавӣ пардохт карда нашудаанд ва ба давраи пас аз 1 январи соли 1999 рост меоянд, аз рӯи шартҳои зерин дохил карда мешаванд:

• давраи гузаштани хизмат дар сафҳои Қувваҳои Мусаллаҳ ва хизмати дигари ба он баробаркардашуда тибқи даъват - новобаста аз он ки пеш аз ин давра шахс собиқаи суғуртавӣ дорад ё надорад;

• давраи таҳсил дар шуъбаи рӯзонаи муассисаҳои таҳсилоти олӣ ва миёнаи махсус - дар мавриди мавҷуд будани собиқаи меҳнатӣ (суғуртавӣ) на камтар аз панҷ соли баъди анҷоми таҳсил;