меҳнатӣ шартҳои пардохти музди меҳнат муайян карда мешаванд. Зимнан, шартҳои музди меҳнат, ки шартномаи меҳнатӣ муайян кардааст, дар муқоиса бо муқаррароти қонунгузории меҳнат ва дигар санадҳои меъёрӣ, шартномаҳои коллективӣ, созишномаҳо ва қоидаҳои дохилӣ бадтар карда намешаванд. Шартҳои музди меҳнат, ки дар шартномаи коллективӣ, созишномаҳо ва қоидаҳои дохилӣ пешбинӣ шудаанд, нисбат ба шартҳои пешбининамудаи қонунгузории меҳнат ва дигар санадҳои меъёрии ҳуқуқии дорои меъёрҳои ҳуқуқи меҳнат бадтар карда намешаванд. Дар КМ ҶТ танҳо низоми тарифии музди меҳнат муфассал танзим карда мешаванд, ки дар асоси низоми тарифии таносуби музди меҳнати категорияҳои гуногуни кормандон, ки унсурҳои низоми тарифиро дар бар мегирад ва худи муқаррар намудани музди меҳнатро ифода мекунад.

Тартиби муайян кардани низоми музди меҳнат бо он тавсиф меёбад, ки аввалан, низоми музди меҳнат, ки аз ҷониби корфармо қабул шудааст, аз ҷумла муассисаҳои давлатӣ бо шартномаҳои коллективӣ, созишномаҳо, қоидаҳои дохилӣ ва дуюм, бо риояи қонунҳои меҳнат ва дигар санадҳои меъёрии ҳуқуқӣ муқаррар карда мешаванд. Ин пеш аз ҳама аз ҷониби ҳамаи корфармоён риоя шудани кафолатҳои давлатӣ барои музди меҳнат ва роҳ надодан ба бад шудани вазъи корманд нисбат ба меъёрҳои қонунгузории меҳнат ва дигар санадҳои меъёрии ҳуқуқӣ ва ғайра зоҳир мешавад.