ва дигар ашёи барои истифода ба корманд додашуда бо татбиқи карат ба онҳо, инчунин дар ҳолатҳое, ки андозаи воқеии зарар аз андозаи аслии он зиёд аст, Ҳукумати Ҷумҳурии Тоҷикистон муқаррар менамояд.

Бояд қайд кард, ки ҳангоми муайян кардани андозаи зарар корфармо уҳдадориро ба зимма дорад, ки онро бояд аз рӯи муқаррароти КМ ҶТ иҷро намояд. Масалан, тибқи моддаи 193 КМ ҶТ корфармо уҳдадор аст, то қабул гардидани қарор дар бораи барқарор кардани ҷуброни зарар аз ҷониби корманди мушаххас ҷиҳати муқаррар намудани андозаи зарар ва сабабҳои сар задани он санҷиш гузаронад. Ҳамзамон корфармо барои чунин санҷиш ҳуқуқ дорад, бо иштироки мутахассисони дахлдор комиссия таъсис диҳад. Аз корманд талаб кардани баёноти хаттӣ барои муқаррар намудани сабаби сар задани зарар ҳатмӣ мебошад. Корманд ҳуқуқ дорад, ки дар санҷиш иштирок намояд ва бо тамоми маводи санҷиш шинос шавад.

Аз мазмуни КМ ҶТ бармеояд, ки корманд метавонад ихтиёран зарари расонидашударо ҷуброн намояд, ки ин муқаррарот дар моддаи 194 КМ ҶТ пешбинӣ шудааст.
Масалан, дар қисми 1 моддаи 194 зикр мегардад, ки корманде, ки ба корфармо зарар расонидааст, метавонад ҷуброни онро ихтиёран пурра ё қисман диҳад. Ҷуброни ихтиёрии зарар дар доираи пешбиникардаи КМ ҶТ амалӣ карда мешавад. Бо мувофиқаи корманд ва корфармо ҷуброни зарарро дертар додан мумкин аст. Дар ин ҳолат корманд дар бораи ҷуброни зарар бо зикри муҳлати мушаххаси пардохт ба корфармо уҳдадории хаттӣ