пешниҳод мекунад. Ҳамзамон агар корманде, ки дар бораи ҷуброни ихтиёрии зарар уҳдадории хаттӣ додааст, бо сабаби қатъ шудани муносибатҳои меҳнатӣ зарарро ҷуброн накунад, дар ин сурат ҷуброни зарар ба тариқи судӣ ситонида мешавад. Инчунин корманд метавонад бо ризояти корфармо барои ҷуброни зарар ба ӯ молу мулки баробарарзиш диҳад ё молу мулки харобшударо барқарор намояд. Ҷанбаи ихтиёрии ҷуброни зарарро метавон тибқи муқаррароти моддаи 188, 189, 190 КМ ҶТ баррасӣ намуд.

Инҷо ба маврид аст зикр намоем, ки ҷуброни зарар тибқи тартиб сурат мегирад. Масалан, қисми якуми моддаи 195 КМ ҶТ маблағи зараре, ки аз маоши якмоҳаи корманди гунаҳгор зиёд нест, бо фармоиши корфармо ситонида мешавад. Фармоиш на дертар аз ду ҳафтаи ошкор шудани зарар қабул карда мешавад. Дар сурати розӣ набудани корманд аз маблағи ситонидашудаи зарар, ӯ ҳуқуқ дорад ба суд муроҷиат намояд. Агар маблағи зараре, ки бояд аз корманд ситонида шавад, аз моҳонаи миёнаи ӯ зиёд бошад ё аз рӯзи ошкор шудани зарар ду ҳафта гузашта бошад, корфармо зарарро ба тариқи судӣ меситонад.

Доир ба масъалаи ҷуброни зараре, ки роҳбар ба ташкилоти давлатӣ расонидааст дар моддаи 196 КМ ҶТ ишорат рафтааст. Аз мундариҷаи моддаи зикршуда бармеояд, ки ҷуброни зараре, ки ба ташкилоти давлатӣ бо гуноҳи роҳбари он расидааст, бо риояи қоидаҳои муқаррарнамудаи КМ ва дигар санадҳои қонунгузории Ҷумҳурии Тоҷикистон ситонида мешавад. Қарори аз