ҳамроҳ намояд ё онҳоро ба аввал ё охири рӯзи корӣ гузаронад.

Тибқи моддаи 219 КМ ҶТ, корфармо ӯҳдадор аст, дар асоси аризаи зани ҳомила ва дигар шахсони ӯҳдадориҳои оилавидор дошта, ки кӯдаки то чордаҳсола ё кӯдаки маъюбро нигоҳубин мекунанд, инчунин ба корманде, ки мутобиқи хулосаи тиббӣ нигоҳубини аъзои бемори оиларо ба ӯҳда дорад, реҷаи вақти рӯзи нопурраи корӣ ё ҳафтаи нопурраи корӣ муқаррар намояд. Инчунин, истифодаи ҷамъи ҳисоби вақти кории барои занони ҳомила иҷозат дода намешавад, агар давомнокии рӯзи (басти) корӣ аз ҳашт соат зиёд бошад.

Тибқи моддаи 221 КМ ҶТ корфармо дар асоси хулосаи тиббӣ ӯҳдадор аст, ки зани ҳомиларо бо нигоҳ доштани музди миёнаи меҳнат ба дигар кор гузаронида, таъсири омилҳои истеҳсолии зарарнок ва хавфнокро истисно намояд. То вақти ба зани ҳомила пешниҳод намудани коре, ки таъсири омилҳои истеҳсолии номусоидро истисно менамояд, ӯ аз кор бо нигоҳ доштани музди миёнаи меҳнат барои ҳамаи рӯзҳои кории гузаронидашуда аз ҳисоби корфармо озод карда мешавад. Занони кӯдаконашон то синни якунимсола дар ҳолатҳое, ки иҷрои кори пештараи онҳо ба риояи низоми ширмаконӣ имкон намедиҳад, то ба синни якунимсолагӣ расидани кӯдакашон ба кори дигар гузаронида шуда, музди миёнаи меҳнаташон аз рӯи кори пештараи онҳо дода мешавад.

Занон ҳуқуқ доранд, пеш аз рухсатӣ барои ҳомиладорӣ ва таваллуд ё бевосита баъд аз он, ё баъд аз ба охир
расидани рухсатӣ барои нигоҳубини кӯдак бо хоҳиши
худ новобаста аз собиқаи корӣ дар ташкилоти мазкур,