руҳсатии ҳарсолаи меҳнатии пардохшаванда гиранд. Ба заноне, ки ду ё зиёда фарзанди то чордаҳсола ё фарзанди маъюб доранд, инчунин ба модарони яккаву танҳо ва дигар шахсони дорои уҳдадориҳои оилавӣ, ки фарзанди то чордаҳсола ё фарзанди маъюб доранд, руҳсатии ҳарсола бо хоҳиши онҳо дар фасли тобистон ё дигар вақти барояшон мувофиқ дода мешавад.

Ба занони ҳомила дар асоси варақаи корношоямии бо тартиби муқарраргардида додашуда, пеш аз таваллуд ҳафтод рӯзи тақвимӣ ва баъд аз таваллуд низ ҳафтод (дар ҳолати таваллуди мушкил - ҳаштоду шаш, таваллуди ду ва ё зиёдаи кӯдак - яксаду даҳ) рӯзи тақвимӣ руҳсатӣ барои ҳомиладорӣ ва таваллуд пешниҳод шуда, кӯмакпулӣ аз ҳисоби суғуртаи давлатии иҷтимоӣ пардохта мешавад.
Руҳсатӣ барои ҳомиладорӣ ва таваллуд, ба занон новобаста аз рӯзҳои истифодаи воқеии то таваллуд ва давомияти кор дар ташкилот дар маҷмӯъ пурра ҳисоб карда, дода мешавад.

Бо хоҳиши занон баъд аз ба охир расидани руҳсатӣ барои ҳомиладорӣ ва таваллуд барои нигоҳубини кӯдак то якунимсолагии кӯдак руҳсатӣ дода шуда, дар ин давра аз ҳисоби маблағҳои суғуртаи давлатии иҷтимоӣ кӯмакпулӣ пардохт карда мешавад. Илова бар ин, барои нигоҳубини кӯдаки то сесола бо хоҳиши кормандони зерин руҳсатии бемузд дода мешавад:

• ба модар ё ба падари кӯдак (бо интихоби онҳо);
• ба падар ё модари танҳое, ки кӯдакро тарбия менамояд;