кори мавсимӣ аз дигар корҳо фарқ дорад: аз шароитҳои иқлимӣ ва табиии маҳалли кор вобаста будани кори иҷрошаванда; муваққатӣ будани кори мавсимӣ — на зиёда аз шаш моҳ.

Қонунгузории меҳнат ба номгӯи корҳои мавсимӣ, чунин намуди корҳоро марбут медонад:

• кор дар корхонаҳои соҳаҳои мавсимии саноати хӯрокворӣ ва маҳсулотбарорӣ;

• кор дар корхонаҳои соҳаи консервабарорӣ;

• кор дар соҳаи тайёр кардани чӯбу тахта;

• тайёр кардани замин; коштан ва шинондани дарахтони ҷангал; нигоҳубин кардан ба дарахтони ҷангал;

• кор дар ниҳолхонаҳои ҷангал;

• кор дар корхонаҳои соҳаҳои мавсимии системаи саноати гӯшту шир ва ғайра.

Дар шартномаи меҳнатӣ бо корманди мавсимӣ, бояд хусусияти мавсимӣ доштани кор ва муҳлати иҷрои он нишон дода шавад. Бо кормандони (кормандони) мавсимӣ шартномаи меҳнатӣ бо муҳлати санҷиш баста намешавад. Шартномаи меҳнатӣ бо ташаббуси корфармо бо кормандоне, ки ба корҳои мавсимӣ машғуланд, ғайр аз асосҳои умумии пешбинишуда (моддаи 42 КМ) бо ташаббуси корфармо метавонад дар ҳолатҳои зерин бекор карда шавад:

• боздошта шудани кори корфармо дар муҳлати зиёда аз ду ҳафта бо сабабҳои хусусияти истеҳсолидошта;

• пайдарҳам ба кор ҳозир нашудани корманд дар муҳлати як моҳ бо сабаби корношоямии муваққатӣ.

Дар навбати худ корманди мавсимӣ ҳуқуқ дорад, бо ташаббуси худ ба таври хаттӣ 7 рӯз қабл корфарморо огоҳ намуда, шартномаи меҳнатиро бекор кунад. Корфармо низ