иқтишофи геологӣ, топографӣ-геодезӣ ва харитасозӣ, экспедисияҳои илмӣ, инчунин ҳамлу нақли нафту газ, корҳои доимӣ дар роҳ, кор берун аз ҷойи истиқомати доимӣ ва корҳои дигари ҳаммоҳанд машғул мебошанд, иловапулӣ дода мешавад. Иловапулӣ барои ҳар рӯзи тақвимӣ дар давраи вахта дар ҷойи кори истеҳсолӣ будан, инчунин барои рӯзҳои амалан дар роҳ будан аз макони ҷойгиршавии корхона (нуқтаи ҷамъшавӣ) то ҷойи кор ва бозгашт, ба андозаи муқаррарнамудаи санадҳои меъёрии ҳуқуқии Ҷумҳурии Тоҷикистон дар бораи сафарҳои хизматӣ пардохт карда мешавад. Шароит, тартиб ва андозаи пардохти иловапулии мазкур бо қарори Ҳукумати Ҷумҳурии Тоҷикистон аз 27 августи соли 2020, № 460 «Дар бораи шароит, тартиб ва андозаи пардохти иловапулӣ барои корҳои дорои хусусияти сайёр ва усули вахтавӣ», муқаррар шудааст.

Дар корхонаҳои ғайридавлатӣ тарафҳои шарикии иҷтимоӣ метавонанд дар санадҳои шарикии иҷтимоӣ, созишномаҳо ва шартномаҳои коллективӣ меъёрҳои дигари иловапулиро барои корҳои дорои хусусияти сайёр ва усули вахтавӣ муқаррар намоянд, ки он аз меъёрҳо барои корхонаҳо ва ташкилотҳои давлатӣ муқарраршуда, набояд кам бошад. Дигар корхона ва ташкилотҳои ғайридавлатӣ дар шартномаҳои меҳнатӣ, созишномаҳо ва шартномаҳои коллективӣ дигар андозаҳои иловапулии мазкурро низ муқаррар намуда метавонанд, вале он аз андозаҳои муқаррарнамудаи санадҳои меъёрии ҳуқуқии Ҷумҳурии Тоҷикистон камтар буда наметавонад. Чунин иловапулӣ ба музди меҳнат, инчунин ба кормандони ҳайати техникӣ ва хизматрасонии корхонаҳои сохтмонию