васлгарӣ, ки дар вахта кор мекунанд, пардохт карда мешавад.

Иловапулии мазкур ба кормандон дар ҷойи иҷрои кор пардохт карда мешавад ва мумкин аст ба тариқи кортҳои бонкӣ пардохт карда шавад. Барои чунин хизматрасонӣ аз корманд маблағ ситонида намешавад.

16.7. Хусусияти танзими меҳнати кормандони хонагӣ

Меҳнати кормандони хонагӣ бо меъёрҳои боби 21 КМ ҶТ танзим гардидааст. Кормандони хонагӣ шахсоне мебошанд, ки корро (хизматро) дар хоҷагии корфармо – шахси воқеӣ иҷро мекунанд.

Нисбати хонакорон амали қонунгузории Ҷумҳурии Тоҷикистон дар бораи меҳнат бо хусусиятҳои хоси дар он муқарраргардида татбиқ мегарданд.

Мутобиқи моддаи 247 КМ ҶТ, қарор дар бораи ба кор қабул намудан ва ё бекор кардани муносибатҳои меҳнатӣ бо корманди хонагӣ ва маълумот оид ба кори ӯ дар дафтарчаи меҳнатӣ, аз ҷониби корфармо ворид карда намешавад.

Намудҳои корҳои хонагӣ, ки кормандон дар хоҷагии корфармо – шахсони воқеӣ дар асоси шартнома анҷом медиҳанд, бо қарори Ҳукумати Ҷумҳурии Тоҷикистон аз 3 апрели соли 2012, № 159 муайян шудаанд, ки аз инҳо иборатанд:

• адвокати ваколатдор
• боғбон
• доя
• маҳсгар
• мураббии варзиш