Дар шартномаи меҳнатӣ барои иҷрои кор дар хона тартиби ҳатмии шартҳои зерин бояд муқаррар карда шаванд:

• иҷрои кор бо истифода аз масолеҳ, таҷҳизот, асбобҳо ва олотҳои шахсии корманд ва ё бо олотҳои ҷудокардашуда аз ҷониби корфармо ё ин ки бо маблағҳои корфармо харидоришуда;

• тартиб ва муҳлатҳои таъмини корманд барои иҷрои кор бо ашёи хом, мавод ва масолеҳи нимтайёр;

• тартиб ва муҳлати баровардани маҳсулоти тайёршуда;

• ҷубронпулӣ ва дигар пардохтҳо ба корманд;

• мусоидат барои мунтазам гузаронидани ташхиси шароити манзилию маишии шаҳрванд;

• огоҳонидан оид ба ҳифз ва бехатарии меҳнат.

Шахсоне, ки ҳунари сохтани маснуоти бадеии мардумӣ, молҳои армуғониро доранд, новобаста аз тарзи фаъолият ва корашон дар дигар корхонаҳо метавонанд ҳамчун корманди хонакор ба кор қабул карда шаванд. Дар ин маврид маҳдудияти қонунгузории марбути кори муштарак ба онҳо татбиқ намегардад.

Шахсоне, ки хоҳиши ҳамчун корманди хонакор ба кор дохил шуданро доранд, вазифадоранд, ки ба корфармо ҳуҷҷатҳои лозимаро, ва шахсони пеш фаъолиятдошта дафтарчайи меҳнатиро низ пешниҳод намоянд. Ноболиғони синни аз 15 то 16-сола нусхаи шаҳодатнома дар бораи таваллудро пешниҳод мекунанд.

Ба корманди хонакор, ки пештар дар истеҳсолоти ҷамъиятӣ кор накардаанд, дафтарчайи меҳнатӣ баъди иҷрои кори нахустин кушода мешавад. Дар дафтарчайи