меҳнатии хонакорони дафтарчаи меҳнатӣ дошта сабт бо тартиби муқарраршуда амалӣ карда мешавад.

Собиқаи кории кормандоне, ки барои онҳо дафтарчаи меҳнатӣ бурда намешавад, бо шартномаи меҳнатие, ки дар он санаи оғоз ва анҷоми фаъолияти меҳнатӣ ва ҳуҷҷати тасдиқкунанда оид ба пардохти андози даромад ва андози иҷтимоӣ манзур гардидааст, тасдиқ карда мешавад.

Ба ташкили раванди меҳнат дар шароити хона фақат шахсоне роҳ дода мешаванд, ки шароити зарурии манзилӣ-маишӣ, инчунин малакаи амалӣ доранд ё метавонанд ҷиҳати иҷрои корҳои муайян ин малакаро аз худ намоянд.

Ташхиси шароити манзилӣ-маишии шаҳрвандонро, ки хоҳиши дар хона кор карданро доранд, корфармо бо иштироки намояндагони кумитаи иттифоқи касаба мегузаронад. Дар мавридиҳои алоҳида ташхис бо иштироки намояндагони назорати санитарӣ ва зиддисӯхтор гузаронида мешавад.

Ба ҳамаи кормандони хонакор, ки дар бинои шахсии худ ё ҷойи барои иҷрои кор мувофиқ кор менамоянд, тибқи тартиби муайяншуда пеш аз ба кор қабулшавӣ оид ба ҳифз ва бехатарии меҳнат дастур дода мешаванд. Дастурдиҳиро мутахассиси бехатарии меҳнат, ки аз ҷониби корфармо таъин шудааст ва масъули соҳа мебошад, мегузаронад.

Корфармо корманди хонакорро бо таҷҳизот, асбобҳо ва олоти меҳнатии зарурӣ таъмин менамояд ва таъмири саривақтии онҳоро ташкил мекунад. Дар ҳолатҳое, ки корманди хонакор аз асбобҳо ва механизмҳои худ истифода