таҳдид намудани хатар, дар заминаи талаботи принципи мазкур муқаррар шудаанд.

Принципи таъмини ҳуқуқ ба музди мувофиқ барои меҳнат, на камтар аз андозаи ҳадди ақали музди меҳнат. Принципи таъмини ҳуқуқи корманд ба пардохти саривақтӣ ва пурраи музди одилона маънои онро дорад, ки музди одилона бояд зиндагии шоиста барои корманд ва оилаи ӯро таъмин кунад ва набояд аз музди ҳадди ақали муқарраркардаи қонун пасттар бошад. Мувофиқи моддаи 7 Паймони байналхалқӣ оид ба ҳуқуқҳои иқтисодӣ, иҷтимоӣ ва фарҳангӣ ҳуқуқи музди меҳнатро бидуни табъиз ва на кам аз андозаи ҳадди ақали музди меҳнат муқаррар менамояд. Ин принцип бо кафолатҳо дастгирӣ карда мешавад ва дар меъёрҳои КМ ҶТ инъикос ёфта, музди ҳадди ақал дар як вақт дар тамоми ҶТ тибқи қонун муқаррар карда мешавад. КМ ҶТ кафолатҳои асосии давлатии музди меҳнатро муқаррар мекунад, танзими ҳадди ақали музди меҳнатро дар Ҷумҳурии Тоҷикистон пешбинӣ мекунад, пардохти музди меҳнатро бо пули нақд бо асъори Ҷумҳурии Тоҷикистон муқаррар мекунад, афзоиши ҳатмии музди меҳнат, яъне индексатсия, маҳдудияти асосҳо ва андозаи нигоҳ доштани маблағ аз музди меҳнат бо фармони корфармо ва ғайраро таъмин менамояд.

Инчунин, музди меҳнат бояд бо принципҳои ташкили низоми музди меҳнат ва меъёрбандии меҳнат, ки меъёрҳои объективии пардохти музди меҳнатро муайян мекунанд, мутобиқ бошад.