иттиҳодияҳои корфармоён, ба муқаррароти Конститутсияи Ҷумҳурии Тоҷикистон (моддаи 28) ва ҳуқуқ ба ассотсиатсия, аз ҷумла ҳуқуқи таъсиси иттифоқҳои касаба барои ҳимояи манфиатҳои онҳо, инчунин дар Конвенсияи ТБМ № 87 "Дар бораи озодии ассотсиатсияҳо ва ҳимояи ҳуқуқ ба ташкилот" (1948) асос ёфтааст. Принсипи мазкур ба кормандон ва корфармоён барои ҳимояи ҳуқуқҳо ва манфиатҳои онҳо ба таъсиси ассотсиатсияҳо (ташкилотҳо) ҳуқуқ медиҳад. Кормандон иттифоқҳои касабаро таъсис медиҳанд ё ба онҳо дохил мешаванд, ки вазифаи муҳофизати худро иҷро мекунанд.
Ҳимояи ҳуқуқҳои меҳнатӣ ва манфиатҳои қонунии кормандон аз ҷониби иттифоқҳои касаба бо меъёрҳои Кодекси меҳнати Ҷумҳурии Тоҷикистон муқаррар шудаанд. Иттифоқҳои касаба инчунин намояндагии манфиатҳои кормандонро пеш аз ҳама тавассути низоми шарикии иҷтимоӣ, тавассути танзими коллективӣшартномавии муносибатҳои иҷтимоӣ ва меҳнатӣ таъмин мекунанд.

Дар КМ ҶТ иттифоқҳои касаба ва иттиҳодияҳои онҳо ҳамчун намояндагони кормандон дар тамоми сатҳҳои шарикии иҷтимоӣ аз сатҳи маҳал сар карда муайян карда мешаванд, ки дар ҳолатҳои муқаррарнамудаи КМ ҶТ намояндагони дигар низ буда метавонанд. Манфиатҳои корфармоён аз ҷониби иттиҳодияҳои онҳо ва дар ҳолатҳои муқарраршуда аз ҷониби намояндагони дигар пешниҳод карда мешаванд.