Ҷудоӣ

Солҳо паиҳам мегузаранд, вале мо дур аз якдигар, дар ҷудоиҳо ба таври худ зиндагӣ мекунем. Не, не, ин ҳоло зиндагӣ набуда, балки як навъ рўзгузаронӣ аст. Кас гумон мекунад, ки ҳама рўз якрангу хушк мегузарад ва дар он ягон воқеаи ҷолиби диққатро ба ҷустан намеёбад…
Азизам, Исфандиёр, қарибе, ки фаромўш кунам.
Дирўз аз ту номае гирифтам. Вале он ба мисли пештара маро шод нагардонд. Охир, он кушоду равшан набуд. Дар хаёлам, ба ту чӣ воқеа шудааст. Охир худи сатрҳо гувоҳӣ медиҳанд, ки чизеро гуфтан мехоҳию вале боз аз чизе ҳаросида, худдорӣ мекунӣ.
Ҷонам фидот, гў, ба ту чӣ шудааст. Дар хаёлам, гўё дар шаҳр азоб кашида истодаӣ? Ё бетобӣ? Чаро боре намеоӣ? Ақаллан модари пиратро як бор ба моҳе омада бубин. Ба ман гила карда мегўянд, ки ҳатто хат ҳам наменависӣ.
Ҳамин саҳар Комилро дидам. Ў гуфт, ки чанд вақт боз туро надидааст ва аз ҳолат хабаре ҳам надорад. Магар ин рост аст ва ё чизеро аз ман пинҳон медорӣ? Росташро гўй, дар куҷо мегардӣ? Охир, туро дар ҷои корат ҳам наёфтаанд. Худаш чӣ гап?
Дилам огаҳӣ медиҳад, ки ба ту чӣ ҳодисае рўй додаасту вале онро аз ман пинҳон мекунӣ. Ҷонам фидот, маро ин қадар азоб мадеҳ. Ҳарчӣ тезтар нома навису дили маро ба ташвиш магузор!
Бо эҳтиром ва саломи то абад вафодори ту, Манижа.

---

Манижаи меҳрубону мушфиқ.