Манам шоҳӣ он паҳлавонӣ дарахт,
Ҷаҳонпаҳлавон – Рустами некбахт.
Фаромарз хонад маро Золи зар,
Сипаҳдори Эрон – гави номвар.
Дар ин ҷойгаҳ номи ман марги туст,
Кафан, бегумон, ҷавшану тарки туст.

Инро гуфта Фаромарз камонро ҷониби Пилсам рост мекунад ва сари таркаши тирро мекушояд. Пилсам ҷароҳат бардошта бо оҳу нола аз саҳна дур мешавад.

Набардгоҳ. Пилсам танҳо. Рустаму Барзу меоянд.

Рустам. Шодӣ макун, ки паҳлавонони маро бандӣ кардаӣ.
Бубинӣ кунун ҷанги мардони мард!
(Ба Барзу).
Бора бирон!
Дар он роҳи Турон ҳаме кун нигоҳ,
Нигаҳ дор беғораи зиштхоҳ
Гар ояд аз он роҳ лашкар падид,
Набояд абар ҷой беш орамид.
Маро кард бояд-т огоҳ аз он,
Маёсой бирбанд инро миён.
Барзу. Ба чашм, пилтано! (Меравад).
Пилсам. К-эй номвар наррашер,
Маро разми Рустам бувад базмгоҳ.
Натарсам, ки бинам чун ў сад сипоҳ,
Мапиндор, агар чархи вожун шавӣ,
Зи чангам ба пайкор берун шавӣ.
Рустам. Баргў, ки номи ту чист?
Ба Тўрон абар ту кӣ хоҳад гирист?
Аз Эрон чӣ дорӣ ба дил дарду кин?
Чаро омадастӣ зи дарёи Чин?
Кафандуз буд он ки ҷавшан-т дўхт,
Бар оташ ҳамоно туро ҷон бисўхт.