Зиндагӣ бо маҷрои хеш равонаст. Корҳои хона бисёр, барои зиқшавӣ фурсат нест.
Акбарҷон! Ман шуморо қариб ки ҳар шаб дар хоб мебинам .
Хоби ҳархела. Аз ин каме хотирпарешонам. Ҳамин, ки ба рўхсатӣ
баромадед, ба назди мо биёед. Шуморо бесаброна интизорам.
Дирўз аз рўзномае чанд ғазали ишқӣ хондам. Ба гумонам ин ғазал розгўи дили мост:
Биё, эй ишқи нав, рўҳам ҷавон кун,
Биё, ай дарди нав, тармими ҷон кун.
Биё, эй васли нав, аз қабзаи марг
Маро бистону фахри ҷовидон кун.
Биё, эй дасти гарму нарми симин,
Маро бар даст гиру достон кун.
Биё, эй ҳусни нав, ҳузни маро куш,
Биё, эй аҳди нав, охирзамон кун.
Биё, эй фарри яздонии одам,
Замини оҷизамро осмон кун.
Биё, эй ишқи нав, эй марги ширин,
Ҳар он ҳукме, ки медонӣ, ҳамон кун!

Акбарҷон! Мехоҳам, ки бисёр нависам. Лекин метарсам, ки ҳамаи суханҳоямро гуфта тамом накунам. Аз ин рў суханҳои дигарро барои номаи дигар мемонам. Ман номаи Шуморо ба модарам хонда додам, аксатонро ҳам нишон додам, чаро ки байни ману модарам ҳеҷ сире нест. Ташаккур барои акс. Ман ин сафар хоҳиши Шуморо ба ҷо хоҳам оварад, албатта акси нави хешро бароятон мефиристонам.

То боздид!
Ҷавобашро бесаброна, ҳар рўзу ҳар соат мунтазирам.
Саодати шумо.
22 июни соли 1972

---

Салому паём аз Конибодом!
Ассалому алейкум, Акбарҷон!
Аз сатрҳои нахустини номаи начандон калон мехоҳам ҳарчӣ тезтар аз ҳолу аҳволи Шумо воқиф шавам. Ҳоли шумо чун аст, фаъолияти меҳнатиатон ба чӣ ранг ҷараён дорад?