МЕВАИ ШАҲДРЕЗИ ИСТИҚЛОЛ

Фурудгоҳро дарвоза ва оина, муаррификунандаи тамаддун ва фарҳанги кишвар мегӯянд. Зеро ҳар касе агар боре ба кишвари мо тавассути ҳавопаймо ташриф орад, қадами аввал ва таассуроти нахустини ӯ маҳз аз фурудгоҳ оғоз меёбад. Фурудгоҳи Душанбе, ки дар пойтахти азизамон бунёд ёфтааст, бешак оинаи кишварамон мебошад. Дар замони муосир бунёди фурудгоҳҳои ҳозиразамон, баланд бардоштани сатҳу сифати хизматрасониҳои фурудгоҳ ва фарҳанги муоширати ҳайати хизматрасон, инчунин таъмини бехатарии ҳавопаймоҳову мусофирон яке аз масъалаҳои муҳимтарини таҳкими имконияти коммуникатсионӣ, баёнгари сатҳи инкишоф, обрӯю эътибори ҳар кишвар ба шумор меравад.

Аз саҳифаҳои таърих...

Сохторҳои авиасияи граждании Тоҷикистон солҳои пеш дар як сохтор муттаҳид буданд. Дар аввал Раёсати тоҷикистонии авиасияи гражданӣ - «Аэрофлот», баъдтар ширкати ҳавопаймоии «Тоҷикистон», ки баъд он ба ширкати ҳавопаймоии «Тоҷик Эйр» табдили ном кард.