Ин рафтори дӯсташ Гредро дар ҳайрат гузошт. Ӯ бовар надошт, ки Кай дар як лаҳза ин қадар бераҳму золим шуда бошад. Духтараки бечора аз ин ҳодисаи нохуш дилтанг шуд. Ӯ намехост, ки дӯсташро дар ин ҳолати ногувор танҳо гузорад. Аз ин рӯ, зуд ба кофтукови дӯсташ баромад. Шабро шаб нагуфта, рӯзро рӯз нагуфта, дар гармову сармо ҷон ба саломат бурда, дар дашту саҳро нишонаи дӯсташро меҷуст, вале аз Кай дараке набуд. Рӯзе аз рӯзҳои сарсонӣ аз пеши Греди хурдсолу нотарс хонаи зебои хурде баромад. Гред дари ин хонаро боумед кӯфт. Аз дарун кампири ситорагарме баромада, Греди ширингуфторро ба хона таклиф кард. Гред бо ақли расо дили кампирро ба худ моил гардонида буд. Аз ин рӯ, кампир зуд барои ӯ дастархон орост ва нозу неъмати фаровон болои он гузошт. Гред, ки чанд шабонарӯз гурусна буд, аз ин нозу неъмати фаровон шикамсерӣ хӯрд ва дуои неки кампири меҳрубонро гирифта, боз ба ҷустуҷӯйи дӯсташ Кай ба роҳ баромад.

Дар ҷангалистон роҳзанон ба ӯ ҳамла оварданд. Одамони нек ҳеҷ гоҳ хору зор