Бубинӣ Фарангис бо обу тоб
Чу моҳи дуҳафта бари офтоб.

1880 В-аз он ҷойгаҳ назди Афросиёб
Ҳамерафт бар сони киштӣ бар об.

Биёмад, бигуфт он куҷо карда буд,
Ҳамон бож, к-аз кишвар оварда буд.

Ки дар кишвари Ҳинд чун разм кард,
Бадонро сар андар кашида ба гард.

В-аз он ҷо ба кори Сиёвуш расид,
Саросар ҳама ёд кард, он чи дид.

Зи кори Сиёвуш бипурсид шоҳ,
Аз он шоҳ в-аз кишвару тоҷу гоҳ.

1885 Бад-ў гуфт Пирон, ки «Хуррам биҳишт
Касе к-ў бубинад дар урдибиҳишт,

Ҳамоно надонад аз он шаҳр боз,
На хуршед аз он меҳтари сарфароз.

Яке шаҳр дидам, ки андар замин
Набинад чунон кас ба Турону Чин.

Зи бас боғуайвону оби равон
Баромехт, гуфтӣ, хирад бо равон.

Гала кард бояд ба гетӣ яла
Туро чун набошад ба чизе гила.

1890 Чу кохи Фарангис дидам зи дур
Чу ганҷи гуҳар буд бар сони нур.

Гар эдун, ки ояд зи минў суруш
Набошад бад-он фарру аврангу ҳуш.

Бад-он зебу оин, ки домоди туст,
Ба хубӣ ба коми дили шоди туст.

Ва дигар, ки ду кишвар аз ҷангу ҷўш
Баросуду чун беҳуш омад ба ҳуш.

Бимонод бар ту чунин ҷовидон
Дили ҳушмандону рои радон!»