фарҳангии ҷомеаи Тоҷикистонро тақвият бубахшем. Интернет ва шабакаҳои иртиботӣ, ки ба унвони фарҳанги маҷозӣ баррасӣ шуданд, аз воситаҳои асосии раванди баҳамоии фарҳангҳо ва махлутшавии ҷомеаҳои фарҳангӣ дар асри ҳозир аст, аммо омили фарҳангсозӣ ва рушди тафаккури инфиродӣ табиати инсон мебошад.
Чунонки муҳаққиқи рус Лев Гумилев мегӯяд:
“Ҳар андоза агар технология тараққӣ карда бошад ҳам, ҳама чизҳои тақвиятдиҳандаи ҳаётро инсон аз табиат мегирад”170. Мафҳуми “ҷомеаи иттилоотӣ” мавриди интиқоди файласуфон ва донишмандони инсонгаро қарор дорад, ки ба ноҳамоҳангии технологӣ ва паёмадҳои манфии компутеркунонии ҷомеа ишора мекунанд.
Назарияпардозон бо истифода аз мафҳуми мутазаккир чун Даниел Белл, Элвин Тоффлер ва дигарон муътақиданд, ки “асри оянда дар таърихи башар на танҳо як ҷомеаи иттилоотӣ, балки як ҷомеаи фароиндустриалӣ номида мешавад”171. Гузашта аз ин, мавсуф зимни баррасии қудратҳои муосир ва чигунагии онҳо дар садаи XXI донишҳоро қудрати аслӣ муаррифӣ карда, бозиҳои мазҳабии қудратҳои ҷаҳониро мутазаккир мешавад ва ин андеша дар замони муосир бармало мушоҳида мегардад, агарчи заминаи истифода аз адён алайҳи адён

170
Гумилев Л.Н. Этногенез и биосфера Земли, - М.: Мысл, 1960, - с. 6.
Тоффлер Э. Метаморфозы власты, - М.: АСТ, 2003, - с. 44.