Чиниҳо сирри муваффақияти худро дар таъсири се таълимот ба мафкураи мардум медонанд, ки мувозинатро нигоҳ медорад. Нахуст таълимоти Конфутси, ки асосаш башардўстӣ, ҳақиқатпарастӣ, хирад, имон…аст. Дувум таълимоти даосизм, ки бунёдаш бар тақлид ба табиат ва рукуд (беамалӣ, таваккал) гузошта шудааст ва ниҳоят таълимоти буддоӣ, ки таҷриба, сахтгирӣ ва серталабӣ ба худ, донистани сарҳади эътиқоди худ ва эҳтиром ба эътиқоди дигарон аст. Воқеъан ҳам дар тўли сафари худ мо шоҳид гардидем, ки мардуми Чин бо сабру таҳаммул, кўшиш, маърифату меҳнатдўстӣ ва аз ҳама муҳим, ватандўстии худ кишварашонро дар давоми бист соли охир ба яке аз мамлакатҳои мутарақии дунё табдил додаанд. Чунки шиори ҳамарўзаи эшон «ҳамқадам будан бо замон»
аст…
Душанбе-Пекин-Душанбе, ноябри с. 2014 Очерки сафарӣ дар ҳаммуаллифӣ бо шодравон Маъруфи БОБОРАҶАБ навишта шудааст

ТОҶИКОНИ РОССИЯ ШОИСТАИ
ЭҲТИРОМАНД…

Дар арафаи истиқболи 25-солагии муносибатҳои дипломатии Ҷумҳурии Тоҷикистон бо Федератсияи Россия ҳафтаномаи «Минбари халқ» тасмим гирифт бо Сафири фавқулодда ва мухтори Ҷумҳурии Тоҷикистон Сатторов Имомуддин Мирзоевич сўҳбате анҷом диҳад. Инак, фишурдаи суҳбати мазкурро манзури хонандагон мегардонем.