Дар адабиёти илмии таълимӣ вобаста ба услуби баён ва истеъдоди муаллиф таъриф мумкин аст бо шарти вайрон накардани мазмуни мафҳуми илмӣ бо шаклҳои гуногун ифода карда шавад, чунончи: Ботаника организмҳои растанигиро меомўзад; Ботаника илмест дар бораи организмҳои растанигӣ; Илм дар бораи организмҳои растанигӣ ботаника ном гирифтааст ва ғайра.
2. Исбот баррасӣ ва ё асоснок кардани ягон масъалаи илмӣ мебошад. Дар ин маврид факту рақамҳо, ҳодисаҳо ва муқаррароти дигари масъалаи гузошташуда ба ҳамдигар қиёс ва бо пайдарпайии мантиқӣ гурўҳбандӣ карда мешаванд ва дар ин асос хулосаҳои муайян бароварда мешаванд. Масалан:
Исботи теорема, лемма ва монанди инҳо:
Теорема. Агар функсияи F(х) яке аз функсияи ибтидой барои функсияи f(х) дар фосилаи (а; в) бошад, он гоҳ хар гуна функсияи ибтидоии функсияи f(х) дар ин фосила намуди F(х) + С -ро дорад, ки дар ин ҷо С доимии дилхоҳ аст.