6. Инсоф нигоҳ дорад, ба касе, ки баҳои матоъ нашиносад ба вай муомила накунад.

7. Агар аҳли тарозу бошад, кам надиҳад ва зиёд наситонад.

8. Агар аҳли зироъ бошад, зиёда ба худ напаймояд ва кам бар дигарон, то баракат ва ҷамъият дошта бошад.

Агар пурсанд, ки одоби фурӯхтани чизе чанд аст, бигӯй, ҳашт.

1. Ба харидор сухани нарм бигӯяд.

2. Аз ҳар маҳалла, ки харидор пайдо гардад дареғ накунад.

3. Он чӣ мефурӯшад, зиёдат таърифи он накунад.

4. Чизи дагалу қалб нафурӯшад, ва гар фурӯшад, айби ӯро ба харидор бозгӯяд.

5. Дар вазн ва зироъ қалбӣ накунад.

6. Агар чизи харидаро бозоранд ва зоеъ нашуда бошад, савдоро вайрон кунад ва бозситонад.

7. Агар азизеро нақде набошад ва чизе ба нася талабад ба ӯ фурӯшад ва дар мақоми музояқа набошад.

8. Зиёд аз қимати вақт нафурӯшад.

Агар пурсанд одоби харидани чиз чанд аст, бигӯй, дувоздаҳ:

1. Ба ваҷҳи ҳалол харад.

2. Нақди қалб аз мағшуш надиҳад.

3. Ба камтар аз қимати вақт нахарад, магар фурӯшанда музояқа накунад.

4. Ба фурӯшанда сухани сахт нагӯяд.

5. Ӯро таклифи бисёр накунад, ки аз фалон ҷо ба фалон чиз буда.

6. Аз он чӣ мехарад, бисёр бахшад.

7. Чун чизе харида бошад, бозпас нагардонад.

8. Чизи харида ба домон надиҳад.

9. Чизи харида дар остин накунад.

10. Мӯъдкоса аз фурӯшанда наситонад.

11. Дар ҷои покиза кунад.

12. Зоҳир набарад, балки пӯшида дорад.