ҳамчун саҳмиядори корхона таъмин намуда, ӯро водор месозад, ки барои инкишофи зеҳнии корхона ва мустаҳкамкунии сармоявии он саҳмгузор бошад.

Амалигардонии бевоситаи сармояи инкишоф ба ҳокимияти менеҷерон вобастагии калон дорад (оиди мақоми менеҷерони пешво мо дар китоби 2-3-юм пурра гуфта гузаштаем). Мавҷуд будани сармояи менеҷерон ва истифодаи он бо мақсади инкишофи корхона низ, яке аз роҳҳои амалигардонии системаи эволютсионии инкишофи зеҳнӣ дар корхона буда, имкони қабули қарорҳои стратегии баландро дар менеҷмент пайдо менамояд.

Дар амалигардонии сармоявии менеҷер ду равандро метавон мушоҳида кард. Аввал, ин ки қисме аз сармояро барои инкишофи меъёрии корхона истифода карда, афзоиши устувори онро таъмин месозад. Дуюм, якбора боз дар андешаи инкишофи зеҳнӣ ва ояндабинии инноватсионӣ буда, аз ҳисоби кормандоне, ки аллакай қобилияти баланди зеҳнии худро нишон додаанд, онро таъмин менамоянд. Ҳамин тавр менеҷерон шахсиятҳое мебошанд, ки дар маркази амалигардонӣ ва мушоҳидавии инкишофи зеҳнӣ қарор дошта, ҳамчун нозири фаъоли он баромад менамоянд.

Яке аз механизмҳои аввалии оғозёбию камхавфи амалигардонии сармоягузории зеҳнӣ «сиёсати фаъоляти хурд» мебошад, ки мувофиқи қоидаи соддаи «қадами хурду боздеҳи босуръат» амал менамояд. Дар ҳар як қадами оянда корманд боз қудрати болоравӣ нишон дода, ба ӯ боварӣ пайдо мегардад ва дар оянда низ барои лоиҳаи ӯ сармоя ҷудо карда мешавад. Чунин механизми корпоративии менеҷерон интихоби шаклҳои гуногуни стратегии ҳавасмандии кормандонро барои манфиатҳои худашон пайдо намуда, некуаҳволӣ ва сарватмандии онҳоро таъмин месозад. Ин усули амалигардонии сарватмандии менеҷерон аллакай дар аксари корпорацияҳои ҷаҳонӣ натиҷагирӣ карда шуда, афзуншаванда ба ҳисоб меравад, ки мо бахше аз онҳоро дар китоби 2-юми менеҷмент гуфта гузаштаем. Гарчанде дар ин нукта низ баъзе аз унсурҳои азхудкунии моликият аз тарафи менеҷерон дида мешавад, лекин шаффофияти фаъолият ва имкони муҳокимаи демократии сармоягузорӣ пурра мавҷуд аст. Дар ин ҷо низ, агар ҳамон қоидаи ҳокимияти марказ ҷорӣ гардад, он ба мақсади асосии амалӣ гардонии «қобилиятҳои зеҳнӣ» зид буда, инкишофро таъмин карда наметавонад. Пастшавии боздеҳи ақлонӣ ба вуқӯъ пайваста, дараҷаи