Чаро охир намеоӣ, азизам?
Ба уммеди ту, ҷоно бекамукост
Ҳазорон бор рафтам бар чапу рост,
Аз он ҷо рафтан асло дил намехост,
Бикун бовар, ки мегӯям гапи рост:
Дилам хун шуд зи раҳпоӣ, азизам,
Чаро охир намеоӣ, азизам?

Ҳаво торик шуд, маҳ ҳам баромад,
Ба рӯйи сабзаҳо шабнам фаромад,
Бигуфтам худ ба худ: «ёрам наомад,
Магар ногаҳ ба вай коре баромад?»
Дилам хун шуд зи раҳпӯйӣ, азизам,
Чаро охир намеоӣ, азизам?

Туӣ, ҷоно, умеду орзуям,
Биёю як нафас шин рӯ ба рӯям
Ва ё хатте фиристон ту ба сӯям,
Бикун коре, ки дигар ман нагӯям:
Дилам хун шуд зи раҳпӯйӣ, азизам,
Чаро охир намеоӣ, азизам?