Рост бигӯям ин сухан Шамси ману Худои ман
(Мавлонои Балх)

Қуввати ҷисму ҷони ман, фазли ману Худои ман,
Тоби ману тавони ман, фазли ману Худои ман.
Табъи Худододи манӣ, шеъри шарарзоди манӣ.
Маснади эҷоди манӣ, фазли ману Худои ман.
Кӯр будам, дур будам, олами ранҷур будам,
Зиндаи дар гӯр будам, фазли ману Худои ман.
Дидаи равшанам шудӣ, хомию ҷавшанам шудӣ,
Гулхану гулшанам шудӣ, фазли ману Худои ман.
Шоми маро саҳар туӣ, шӯъла туӣ, шарар туӣ,
Шамс туӣ, қамар туӣ, фазли ману Худои ман.
Сӯз манам, соз манам, олами эъҷоз манам,
Кушоиши роз манам, фазли ману Худои ман.
Ошиқи фарзона манам, қиссаву афсона манам,
Нур ба ҳар хона манам, фазли ману Худои ман.
Шеър ба дафтар омадам, мушк ба амбар омадам,
Шамси мунаввар омадам, фазли ману Худои ман.
Ман ғазалу таронаам, ҳикмати шоиронаам,
Маърифати замонаам, фазли ману Худои ман.
Ба ҳар диле, ба манзиле, нор будам, нур шудам,
Нораки машҳур шудам, фазли ману Худои ман.
Шир манам, шакар манам, субҳ манам, саҳар манам,
Сулҳ манам, зафар манам, фазли ману Худои ман.

Рубоиёт
Доро нашудам, ки қаср обод кунам,
Зиндон шиканам, банди озод кунам.
Ман ашки қалам, қалам ба рӯи қоғаз,
Як байт шудам, то диле шод кунам.

Хушбахт аз он ки ақл дар сар дорам,
Огоҳӣ аз ин ҷаҳони абтар дорам.
Ту дарбари худ камону ханҷар дорӣ,