-Парастиш мекунию котибони аввали ҳизбиашро масхара, - ҳамин хел нигоҳашро ба таври ҷиддӣ ба сӯям дӯхта пурсид мусоҳибам. Гумон кардам, ки ӯ худ бадахшонисту сухани банда қалбаш шикофта, бинобар ин боз бо ҳамон лаҳни хеш гуфтам: - Воло, ки ҳақиқатро гуфтам ё шумо аз шунидани ҳақиқат қимобед.
-Эҳ дарвозӣ, дарвозӣ, қасам ба номи яздони пок, ки сухангӯиатон ниҳоят хушам омад...
Сипас ӯ тариқи телефони дохили идоравӣ ба куҷое занг зада, иҷрои супориши додаашро пурсон шуд.
-Баъди даҳ дақиқа ҳамааш тайёр мешавад, - шунидам ман овози маҳини занонаеро.
-Боз каме сабр карданамон лозим мешавад, - бандаро ором намуданӣ шуда гуфт Аббос Аҳмадович.
-Боке нест, - гӯён ман қаҳваи кайҳо хунукшударо дилу бедилон нӯши ҷон намудам.
-Шояд боз як қаҳваи гарм фармоям? - пурсид Ғуломов.
-Ҳаминаш кифоя, бе ин ҳам вақти қимати шуморо гирифтам,

• узр пеш оварда гуфтам ман.
  Мо боз каме сари ину он мавзуъ суҳбат намудем, ки нафаре ба дар ангушт зада, рухсати даромадан хост.
  -Марҳамат, дароед.
  Ҷавони тахминан бисту ду бистусесолае вориди дафтари кории муовини сардори ширкати “ТоҷикТел” гашта, матни телеграфии гуфтугӯи дархостиро болои мизи сарвараш гузошт.
  -Ҳамааш ҳамин.
  -Гуфтугӯ ҳамаги чилу ду сония давом намудааст, - худро сафед карданӣ шуда гуфт нафаре, ки сабти матнро оварда буд.
  Аббос Аҳмадович коғазҳои то кунун дар пешаш бударо имзо гузошта бардошта, тарафи ман дароз намуд. Дар он омада буд:
  Ба муфаттиши прокуратураи ноҳияи Сарчашма ҳуқуқшиноси дараҷаи дуюм:
  Нӯшини Азиз.
  Ширкати “ТоҷикТел” матни гуфтугӯи телефониро, ки имрӯз
  26 соати 12 дақиқа аз телефон-автомати рақами 87, воқеъ дар кӯчаи Сино бо телефони мобилии рақами 907 56 23 8... ба алоқа