Сари субҳ ман боз ба назди Аброр Воҳидович рафтам, он кас гуфтанд, ки Турсунбой имшаб як занги аҷибе шуд.
-Чӣ хел занг?-пурсидам ман.
-Ба фикрам, ҳамон нафари қарздори банда боз садди роҳи касе шудааст.
-Чӣ хел?
Аброр Воҳидович тафсилоти занги нобаҳангоми шабонаро ва нафаре хизмати он марди хайрхоҳро пурра ба ман нақл кард.
-Аминам, ки шумо бо ӯ вохӯрдаву маблағи додаатонро талаб намудед.
-Баръакс, ман ӯро гурезонидам, акнун ӯ ба ҷуз қарзҳои доштааш, барои вайро аз бало раҳо доданам ҳам қарздор шуд.
-Чӣ хел гузаронидед?
-Ӯ ба Бишкек рафт, хуб мешуд, ки худат шабонгоҳ аз гирду атрофи маҳаллаи онҳо як гузар мекардӣ, шояд мушоҳидаҳоят дар оянда ягон натиҷа диҳад.
-Вай дар куҷо зиндагӣ мекунад?
-Кӯчаи Бинокорон 67/3, ҳуҷраи 19. Ҳа, дарвоқеъ, аз тарафи долони калони хонаи онҳо гаражҳои оҳанин истодаанд, ки барои назорат беҳтарин макон аст.
-Пас ман чӣ хел фаҳмам, ки нафаре таҳдиди ҷони эшон дорад?
-Инаш рост, ту ки аз ин макру ҳиял дурӣ, аз куҷо донӣ, ки дар дунё чӣ гапу калочаҳост. Беҳуда худатро азоб надеҳ. Ба гумон аст, ки онҳо бо завҷаи вай кордор шаванд, худашро бошад, ёфтан ба гумон. Акнун ба боғ рав ва ба ҳамаи он дарахтони хурмо, ки аз серборӣ дуқат шудаанд, поя зан.
-Шумо ин хабарро ба мақомоти милиса намерасонед?