-Аз шарора аланга бармехезад.
-Модоме ки чунин аст, пас шино намудан ба сӯйи вулқоне, ки гармии алангаашро дарк намудем, маъние надорад.

• Худованд ба рағми марг муҳаббатро чун нишоне аз зиндагӣ офарида ва гумон намекунам, ки Ҷамила муҳаббати Юсуфро дар замираш ҷо дода, ӯро барои иҷрои амали нопоке ҳидоят намуда бошад.
  -Баҳс намекунам, вале он пайроҳаеро, ки метавонад моро то болои қулла барад, надида истодаам.
  7
  -Киштинишастагонем, эй доди шурта бархез.
  -Чӣ нияти ба соҳили дигар шино намудан доред?
  -Роҳи дигареро намебинам.
  8
  -Худованд бузург аст, бубин ҳатто Робинзон Крузоро дар он ҷазираи дур аз раҳмати хеш маҳрум накард.
  -Худованд ба Робинзон ҳангоми фалокати киштӣ умри дубора ато фармуд, боқӣ ҳамаро ӯ бо меҳнати ҳалоли худ ва талош ба зиндагӣ ба даст овард. Охир дар давоми 28 солу 2 моҳу 19 рӯз дар он ҷазираи бефарёд танҳо меҳнати ҳалол вайро аз ҳама балою офатҳо эмин дошт.-Шояд ин ҳама як афсонаест?
  -Имрӯз бошад чу як афсонаи зебо варо бар ёд овардем.
  -Вале мо чун оғои Робинзон он қадар вақти зиёде дар ихтиёр надорем. Ба замми ин, ҳатто як моҳ дароз намудани санҷиши парванда чӣ мушкилотро ба бор меорад.
  -Бюрократизм ин маҳсули эҷоди мо нест ва он аз форматсияҳои пешини ҷамъият ба мо мерос мондааст.
  -Ва боз на ҳамаи онҳое ки ваколати дароз намудани парвандаҳои ҷиноиро доранд, амалу суханашон як аст.
  -Ин ҳама боиси таассуф аст вале чӣ илоҷ, ки бюрократизм ва коррупсия чун заҳрпечаканд.
  -Боз мегӯянд, ки заҳрпечакҳо реша надоранд.
  -Ин ҳама баҳри тасаллои дили бемор аст...
  -Баҳри тасаллои дили бемор?

6 Таҳти ҳамин шиор соли 1903 аввалин рӯзномаи болшевикии “Искра” аз чоп баромад.
7 Сухан аз Ҳофизи Шерозӣ.
Асари ҳамноми Даниэль Дефо.