Чун хаткашон вориди дафтари кории сардор шудааст ва чашми сардор ба ӯ бархӯрдааст, ҳамоно пурсидааст:
-Ду сол шуд дар куҷо мегардӣ? Барои вайрон кардани интизоми меҳнат ва муддати ду сол ба кор набаромаданат аз вазифа озод.
-Ҳарчанд хаткашон исбот карданӣ шудааст, ки рӯзи 31 декабр бо супориши худи эшон рӯзномаву маҷаллаҳоро ба Сағирдашт бурдаву баргашт ва аз байн се рӯз гузаштааст, сардори почта ду пойро дар як мӯза андохта, собит намудааст, ки зердасташ аз соли 1952 то соли 1953 ба кор набаромадаст ва ӯро аз вазифа озод намудаст. Мисли оне ки Зоҳири Зокир коршоям будани хешро дар авиатсияи калон собит карда натавонист.
-Табибон ҳам чӣ кор карданашонро медонанд ва бубинед, ки эшонро аз ҷиҳати руҳию равонӣ корношоям эълон намуданд. Биёю собит намо, ки ӯ дар ҳақиқат солим аст, - гуфт сардори гурӯҳи тафтишотӣ.
-Аслан Воҳид Камол моро ба ин ҷо фиристода, ҳатто нагуфт, ки чӣ кор намуданамон лозим ва мебинем, ки шефи ин идора ҳам нест, - изҳори нигаронӣ намуд Ҷомии Шариф.

• Ба ҷой пир асои пир, - хандида гуфт муфаттиш ва нигоҳи сарназоратчии қонунро дар атрофи парвандаи рақами 519 баҳри мо арзонӣ дошт.
  Ҳамин ҳолат сабаб шуд ва банда аз ҷузвдони дар рӯи миз гузоштаам диктофони ба амонат гузоштаи сардори гурӯҳи тафтишотиро бароварда, болои мизи кориаш гузоштам.
  -Аминам, ки сари нишондоди Зоҳири Зокир ба ягон хулоса омадед?
  -Бе дарди саре нишаста будем...
  -Дар ҳақиқат ҳамааш чунин буд, вале сари бедарду ғамеро чӣ кунем, агар муроде дар ҳосили он нест, - каломи ба забон овардаи маро бо чунин тафсир баҳрамон ирсол намуда гуфт Фурӯғи Шариф.
  -Дар асл нишондод чи дар савол ва чи дар ҷавоб ба ҳамаи талаботи тафтишот ҷавобгӯст, вале ҳар як посухи овардаи Зоҳири Зокир санҷиши мукаммалро мехоҳад.