Асарҳои мунтахаб ҷилди 9
- Шумо маро пурсида будед, - ин даъфа калонгарона пурсид Қодири Ашўр.
- Ҳа.
- Касе аз болои ман хабаркашӣ намудааст?
- Чӣ хел хабаркашӣ?
- Ҳамин хел одӣ, ягон кас маро ба шумо бад кардааст.
- Ба фикри худи шумо чӣ?
- Дар ҳақиқат касе аз болои ман хабаркашӣ кардааст.
- Барои кадом гуноҳатон?
- Барои аз хона гурехтан.
- Чӣ? Барои аз хона гурехтанатон?
- Ҳа.
- Дар ин бора ман бори аввал мешунавам.
- Набошад барои чӣ?
- Беҳтар мешуд, ки шумо худатон гап мезадед.
- Дар бораи чӣ?
- Дар бораи он…
- Дар бораи он мошин?
- Биё, беҳтараш дар мошин шишта суҳбат намоем. Ман шуморо то ба пеши ҳавлиатон бурда мемонам, - гўён милитсионер сари чанбараки рул нишасту Қодири Ашўр дар паҳлуи вай.
- Ман қариб ки чизеро надидам?
- Медонам.
- Чиро?
- Он чиро ки худат қариб чизеро надидӣ?
- Пас аз ман чӣ мехоҳед?
- Мехоҳам, ки ҳамон лаҳзаро ба ёд биёред.
- Он субҳ ман ниҳоят барвақт аз хона баромадам, вале шумо гумон накунед, ки ман касеро хабардор накардам.
- Медонам.
- Чиро медонед?
- Он чӣ ки шумо пеш аз баромаданатон касеро хабардор кардед.
- Киро хабардор намудам?
- Бибиатро, ё гапам нодуруст?
- Дуруст.Ман ба бибиам гуфтам, ки ба назди амаки Эмом меравам. Гумон намудам, ки роҳ наздик аст, вале…
Барномасозӣ
Олами Афсонаҳо
Ахбор