Асарҳои мунтахаб ҷилди 9
- Магар ҳоли ман чунон бад аст…
- Аз назари худат чӣ?
- Намедонам.
- Ҳамаашро мефаҳмӣ.
- Аз куҷо фаҳмидед?
- Аз ҳамон тавбаи бемаҳалат.
- Магар тавба кардан гуноҳ аст?
- Гуноҳ нест ба шарте, ки…
- Хайр шуд, тавба кардам, тавба. Худоё ҷигаргўшаи маро…
- Худаш чи гап? - шунид ў овози касеро ва чун рўй ба тарафи овоз гардонд, ҳамсарашро дид.
- Ту чӣ хел омадӣ, ки ман пайхас накардам? - ба ҷойи посух бо савол ба тарафи ҳамсараш муроҷиат намуд вай.
- Дар ҳоле ки худат қарор доштӣ, агар танк ҳам меомад, хабардор намешудӣ.
- Наход?
- Дурўғгӯй душмани Худо.
- Худоё…
- Чӣ гап шуд?
- Ана вай…
- Кӣ?
- Ҳамон нафари пушти чанор…
Раъно ба ҳамон самти ишора намудаи шавҳар чашм дӯхт, вале касеро надида гуфт: - Дар пушти чанор касе нест.
- Чӣ хел нест? - ба тарафи ҳамсар нигариста пурсид вай.
- Ҳамин хел одӣ, ана нигоҳ кун.
Хушдил Одил боз чашм ба самти чанори тарафи муқобили роҳ дўхт, вале ин даъфа касеро надид… - Хуш киро мебинӣ?
- Худоё.
- О, дурусттар гап зан. Ман ҳеҷ чизро нафаҳмида истодаам.
- Чӣ гўям?
- Ҳақиқатро.
- Ҳақиқатро мону ба боғча занг зада гўй, ки Шерзодро эҳтиёт намоянд.
Барномасозӣ
Олами Афсонаҳо
Ахбор