Ба қавле ўро на пул буду на мол, пас кист оне ки…
Иброҳим сари андешаҳои бесарунӯг музтар монд. “Шояд мўйсафед чизеро медонад,” - аз дил гузаронд вай ва бо баҳонаи ба қиблагоҳаш хоби хуш орзу намудан дуюмбора ба тарафи хонаи падар рафт.

• Ҳа, боз омадӣ.
• Бале, дадаҷон, хостам пеш аз хоб каме бо шумо суҳбат намоям.
• Ман туро гўш мекунам.
• Шояд худат ягон чизро медонӣ?
• Чиро дар назар дорӣ?
• Ҳамон ҳолатеро, ки маро ба андеша намудан водор кардӣ?
• Хуш ба кадом хулоса омадӣ?
• Ба ростӣ, ягон фикре ба сарам наомад.
• Инро ман медонистам.
• Медонистеду ба ман чизе нагуфтед.
• Ақл Худодод аст, мефаҳмед?
• Аз назари шумо ман беақлам?
• Беақл будед!
• Чаро ин хел мегўед, дадаҷон?
• Ин ҷо гуноҳи шумо ҳам нест.
• Шуморо ҳеҷ фаҳмида намешавад.
• Ман шуморо нағз тарбия карда натавонистам.
• Шумо гуноҳҳе надоред, охир синну соли мо ҳам ба ҷойе расидааст.
• Фарзанд ҳамеша ба насиҳати падару модар ниёз дорад, агар синни вай ба ҳафтод ҳам расида бошад.
• Баҳс намекунам.
• Инро худат мегўӣ?
• Чӣ, ман ягон бор суханатонро ба замин мондам?
• Магар ман нагуфтам, ки “писаронам илтимос яроқ ба даст нагиред.”
• Ана, шумо дар бораи чӣ андеша доред…
  “Фарзанд азиз-одобаш аз вай азизтар,” “Ҳар кӣ нагирифт панди падар, сазои сараш аз ин бадтар," "Э,-й ҷавони беадаб умрхӯрии ту як ваҷаб." Ҳамаи ҳамин панди бузургонро ман ҳамон шабу рўзе, ки шумо ба "дифои" Ватан бархестед, бароятон гуфтам ё не?