Асад Ғанӣ дар кадом вазъ қарор доштани хешро ба ёд оварду аз ҷой бархест.

• Ман ба милиса рафтам, - муфаттишро дар долони дароз дида гуфт ў.
• Ягон ҳодиса рух дод?
• Намедонам.
• Ман чӣ кор кунам? - пурсид Фирдавси Ҳаким, ки Асад Ғаниро бори аввал дар чунин ҳолат медид.
• Агар навбатдор набошед, метавонед ба хона равед,- гўён прокурор ба тарафи дари баромадгоҳ ҳаракат кард…
• Хайрият меомадед, - прокурорро дида ба истиқболаш бархест сарвари ШКД.
• Магар таклифи шуморо рад кардан мумкин аст?
• Намедонам.
• Ман ҳеҷ нафаҳмидам, ки ин даъвати таъҷилиро сабаб чист?
• Мехостам нуқтаи назари шуморо дар бораи собиқ командири гурўҳи "Сипар" фаҳмам.
• Вай ба ман маъқул нашуд.
• Ин ҷавоб нест.
• Ба андешаи банда ў дар куштори Фарҳод Замир даст дорад.
• Далел ҳаст?
• Ба таври ростхата не, вале агар мо, ба қавли бачаи боба, аз як гиребон сар барорем…
• Барои ин ягон монеае ҳаст?
• Нест.
• Қувваи мушт дар мутаҳидии ангуштон аст…
• Медонам.
• Набошад, ман як хоҳиш доштам.
• Гўшам ба шумо.
• Ба андешаи банда Дороб Қамарро сар додан лозим.
• Чӣ хел сар додан лозим?
• Ҳамин хел одӣ.
• Ба кадом хотир?
• Чунки гуноҳи вайро дайн намудан лозим.