— Ҳамин хел...
— Баъд гапзанон мекунем!...
Рифъат Ҳоҷиев гўшаки телефонро сўҳбат поён напазируфта гузошт. Баъди гуд-гуди гўшаки телефони дасти Умарқулов ҳамин хел садои дарунакӣ дар гўшаш акс медод, ки ба ҷуволи пуркоҳ мушт мезада бошанд.

— Шумо ким? – котибаи хушлибоси мувофиқ ба обрўву эътибори партия пурсид аз меҳмон.
— Ман Холиқов Абдуҳамид. Аз Панҷакат. Даъват кардаанд, омадам.
Котиба номро дар варақчае навишта, баъди баромадани меҳмон ба назди сардор даромада ва боз омада як зани мўзапўши мардхў
1 ва рўймолаш ба рўймолбандии занони Кони Бодом монандро назди котиб фармуд. Холиқов занро шинохт – Энаҷон, аммо чизе нагуфт. Чанд муддат баъд дар кушода шуда зан баромад ва аз пасаш котиб ё ба гусели Энаҷон ё ба истиқболи Холиқов бурун омад. Ба занак хайр гуфту Холиқовро бо ишораи даст ба даромадан фармуд. Онҳо андаруни дар салому алейк карданд. Баъд рў ба рў андар мизи иловагӣ нишастанд.
Ҳоҷиев сурхинаи мўйи сараш чунон бо теғ тарошида, ки гўйӣ аслан тори мўе надорад. Ва пўсти сараш монанд ба пўсти сару
2 гарданаш, ки дар рўйи китоби «Тоҷикон» ришу мўйи сардор кашида бошанд. Холиқов ҳам сартарошидаи сафедпўст, ки ранги офтоб гирифта.
Аҳволпурсӣ карданд онҳо. Вале аз рафти кори Абдуҳамид чизе нагуфтанд. Азбаски дар берун ба қабули котиб одамони зиёд нишаста буданд «Фардо дар бюро вомехурем» гуфту Холиқовро рухсат дод.
Абдуҳамид гирифтахотир аз назди котиб баромада, мастона то назди мошин омад ва ду даст ба ду ҷониб кушода «рўшание нест» гуфт. Зеро котиб аз ин боб сўҳбат накард ва ҳатто нагуфт, ки бо котиби партиявии шаҳри Панҷакат Умарқулов сўҳбати телефонӣ кардааст.
Аммо фардо бюрои партиявии вилоят қарори аз сафи партия хориҷ кардани Холиқов Абдуҳамидро рад карда, баракс кори ўро қаҳрамонӣ донист. Азбаски ў дар назди кумитаи партиявии шаҳр бадном шуда буд, бо қарори махсус пешниҳод ба унвони

1. Рўймол тори сар баста ду гўшаашро дар мўйи паси сар лўнда карда гиреҳ
   зананд
2. Асари Бобоҷон Ғафуров «Қаҳрамони кори сусиалистӣ» на, ба «Ордени Ленин» пешниҳод гашт.