— Болотар аз ин хиргоҳи сурх аст, хиргоҳи апаам, — гуфт девкампири сафед, — ҷойи нигинро вай медонад.

— Духтар болотар рафта хиргоҳи сурхро дид. Дар даруни хиргоҳ девкампири сурх мӯй шона карда нишаста буд.

— Ассалому алайкум, — гуфт духтар ба хиргоҳ даромад.

— Ваалайкум ассалом, эй луқмаи ҳалол, эй насибаи имрӯзаи ман! — гуфт дев. Саломат намебуд, як луқмаи хомат мекардам! Духтар шамшерро нишон дод.

— Балояшонро гирам, ин шамшери пирони мададгор аст, аз гуноҳи мани пир гузар.

— Ту ба ман ҷойи нигини падари Маликаподшоҳро гӯй, агар нагӯй, аз пуштат бо ҳамин шамшер як тасма ҷудо карда мегирам!

— Ҷойи нигинро апаамон, — медонад, — гуфт дев, хиргоҳи вай аз ин ҷо болотар аст.

Духтар болотар рафта, як хиргоҳи сиёҳро дид. Дар хиргоҳ девкампири сиёҳ гирду атрофро пурдуд карда, хӯрок мепухт.

Духтар:

— Ассалому алайкум, — гуфта назди дев даромад.

— Ваалайкум ассалом, эй луқмаи ҳалол, — гуфт дев, — ба пойи худ омадӣ, эй насибаи имрӯзаам!

— Ба пойи худ омадам барои гирифтани ҷони ту. Агар нигини падари Маликаподшоҳро ёфта