Ман чун кабутарам,
Ҳастӣ ту болу пар.
Эй сарпарасти ман,
Ҳасти қафасти ман.
Ҳамроҳу ҳамнафас,
Дар ҳар шикасти ман.
Танҳо наям дигар,
Дар ҷодаи ҳаёт.
Хуш омади биё,
Эй ишқи босубот.
Ту ёвари манӣ,
Ту дилбари манӣ.
Эй меҳри покзод,
Ту сарвари манӣ.
Гарчанд, ки дер шуд,
Дил аз ту сер шуд.
Хуш омадӣ, биё,
Толеъ далер шуд.
Июли соли 2006

Манмо такаббур
Такаббур одати шайтон бошад,
Такаббур хислати дунон бошад.
Касе гар заррае дорад ғуруре,
Бидон нодонтарин нодон бошад.
Чаро охир такаббур менамоӣ?
Тавозуъро зи худ дур менамоӣ?
Бидон роҳи такаббур пур зи хор аст,
Ва ҷояш охирин дар қаъри нор аст.
Ғурурро офатон андар камин аст,
Чаро ки аспи ҷаҳлаш зери зин аст.