Аз санг сохта мешаванд. Дар он аст, ки умри дароз мебинанд. Мафтун чунин андешаҳо меронд ва бовар дошт, ки дар оянда мардуми кишвари мо на танҳо сарватҳои табиӣ, балки сангҳои муқаррарии кӯҳистонро низ ба манфиати худ истифода хоҳанд бурд... [ниг.: 7, с. 380-383].

Рӯзи дигар бо мақсади мулоқот бо ҷавонони ҳунарманд Мафтун ба масҷиди ҷомеи Зидеҳ меравад ва пас аз адои намози ҷумъа хабари бунёди корхонаи коркарди мармар дар Майхӯраро ба ҷавонон мерасонад. Ҷавонон ин хабарро бо хушҳолӣ мепазиранд. Мафтун тасмим мегирад, ки рӯйхати ҷавононеро, ки хоҳиши дар ин муассиса кор кардан доранд, зудтар тартиб диҳад. Баъди мулоқот бо ҷавонон Мафтун ба кори худ бармегардад, зеро ӯ ҳоло дар нақби Анзоб кори зиёд дошт... [ниг.: 7, с. 385].

Ҳамин тавр фаъолияти Мафтун дар нақби Анзоб идома меёбад. Боре дар қисми ҷанубии нақб тундбоди шадид, ки онро барфи хушк ҳамроҳӣ мекард, ба амал омада се рӯз давом мекунад. Роҳи байни хобгоҳи нақбканон ва дарвозаи ҷанубии нақбро барфи зиёд мепӯшонад. Аз ин сабаб нақбканон ба кор пиёда рафтуомад мекарданд. Бар асари тундбод ва боридани барфи зиёд дар бегоҳи рӯзи сеюм сими барқи шашкиловатта канда шуда, интиқоли нерӯи барқ ба нақб қатъ мегардаду компрессорҳо аз кор мемонанд. Нарасидани ҳавои нафаскашӣ кори нақбканонро дар дохили нақб душвор мегардонад. Онҳо ба обу арақ ғӯтида нафастанг мешуданд. Бо вуҷуди ин корро давом медоданд. Бар замми ин дар дохили нақби мошинрав резиш ба амал меояд ва чанд нафар мутахассисони тоҷику эронӣ дар дохили кор банд мемонанд. Дар ин вақт басти қорини Мафтун ба анҷом расида буду ӯ дар хобгоҳ истироҳат мекард. Вақте ки хабари резиш дар нақб ва банд мондани ҳамкорон ба Мафтун мерасад, ӯ фавран либоси гарм пӯшида ба ёрӣ мешитобад. Дар назди хобгоҳ Ҷобирбек низ ба дӯсташ ҳамроҳ мешавад. Онҳо мехостанд, пеш аз ҳама, дастгоҳи дизелии