Дорад ва шогирдони ҷавонашро низ дар ин рӯҳия тарбия менамояд. Аз ҳамин сабаб бригадаи ӯ ҳам дар нақби обрасонии Данғара ва ҳам дар нақби Анзоб ба мактаби воқеии тарбияи нақбканону мутахассисони ҷавони соҳа табдил меёбад. Ӯ дар ҳама ҳолат тарбиятгару ғамхори нақбканони ҷавон аст ва, пеш аз ҳама, ба шогирдони ҷавонаш техникаи бехатариро меомӯнонад ва риоя намудани онро ҳангоми нақбканӣ тақозо менамояд. Ҳангоми ба вуҷуд омадани садама ва резиш ёрӣ ба ҳамдигарро зарур меҳисобад ва инро ба шогирдони ҷавонаш талқин медиҳад. Шарафу обрӯро на дар мансаб, балки дар меҳнати ҳалол мебинад. Аз ин рӯ, ҳангоме ки дӯстдоштааш Фарогат ба ӯ пешниҳод менамояд, ки техникуми кӯҳшиносиро тарк карда, бо мусоидати падараш ба факултети шарқшиносӣ дохил шавад, Ӯ ин пешниҳодро қатъиян рад менамояд. Ӯ фаъолияти худро дар нақби обрасонии Данғара ҳамчун нақбкани одӣ шурӯъ намуда, дар як муддати кӯтоҳ сардори бригадаи нақбканон таъйин мегардад. Ҳангоми кор дар дохили нақб Мафтун на танҳо ҳунару маҳорати худро ба нақбканони ҷавон меомӯнонад, балки дар ҳолатҳои зарурӣ ба онҳо кӯмак мерасонад. Дар вазъияти ба амал омадани садамаву резиш ӯ ҳамеша ба кӯмаки ҳамкорон мешитобад. Мафтун ҳамчунин пешниҳоди ҳамсару падарарӯсашро, ки дар Вазорати нақлиёт ва сохтмону истифодаи роҳҳои ҷумҳурӣ кор кардани ӯро мехостанд, рад намуда, дар сохтмони нақб фаъолият доштанро авзал меҳисобад. Баъдан дар шӯъбаи ғоибонаи Донишкадаи кӯҳшиносии Тӯла таҳсил намуда, донишу маҳорати худро такмил медиҳад. Ҳарчанд пас аз хатми соли аввали таҳсил дар Донишкадаи кӯҳшиносии Тӯла ӯро ба Вазорати нақлиёт ва сохтмону истифодаи роҳҳои ҷумҳурӣ ба кор даъват менамоянд, ӯ ин пешниҳодро қатъиян рад карда, фаъолияташро ҳамчун сардори бригадаи нақбканон давом медиҳад. Ҳамчунин Мафтун намехост, ки ҳамсару падарарӯсаш Фарогат бе розигии ӯ роҳи ҳаёти ояндаи ҳаёташро